Gstanzln für unsere KiPo's
Donnerstag, den 01. Oktober 2009 um 14:26 Uhr |
Isabella Freinhofer | Gedichte

Da Adi hoat KIPO - ganz guat aufgebaut
Doch jetzt laost a noch, das er sich des traut
Holladarido, holladaro, holladarido, wos soagst denn da!

Er ist da Chef - und er muass vü tua
do kaun a net tauchn, do hoat a ka ruah
Holladarido, holladaro, holladarido, wos soagst denn da!

Die Beföh miassn ausi, und pünktli sagoa
suns´t geht´s da wia da Doris und du stehst alloa
Holladarido, holladaro, holladarido, wos soagst denn da!

Der Harry is grantig woraun kaun des liegn
er muaß wieder an schnitza vom Adi groatbiegn
Holladarido, holladaro, holladarido, wos soagst denn da!

Da Harry moacht Fotos und a a bissl mehr
sogoar seine Diensthosn muas haltn mol her
Holladarido, holladaro, holladarido, wos soagst denn da!

Da Sweety liebt Schnitzl und a Gordonbleu
Und gibst kane Freiwilligen , er hat d Haund in da hö
Holladarido, holladaro, holladarido, wos soagst denn da!

Unsre Babsi de versteht d Wöd nimma mehr
Der Süss Kurt heißt Sweety und liebt Salz doch so sehr
Holla…

Und deswegn hat Babsi des is allerhaund
Ihn anfoach und schmerzlos in Salty ungnannt
Holla….

Über´d Neichn wian Andy do kenn ma nix sagn
Da miass ma de andern bei´n Bier daunn befragn
Holladarido, holladaro, holladarido, wos soagst denn da!

Da drin in dem Lager da stegan Karton
da bstellt der Adi ne Menge davon
Holladarido, holladaro, holladarido, wos soagst denn da!

Des is ja net möglich des is ja net waoar
Do fölln ja Kartons und net nur a paar
Holla…..

Da Lini macht Messn da mias ma verstehn
Duat tuat a de Autos den Kindern daun geb´n
Holladarido, holladaro, holladarido, wos soagst denn da!

Oaba Lini hör auf, des is ja net guat
Des macht bei de aondern nur a bös Bluat
Holladarido, holladaro, holladarido, wos soagst denn da!

Der KH ihr wisst schau wenn i do man
In da Schui sehr vü Streß und maunchmal kann Plan
Hoolla…

Da Sepp des is unser Aushängeschüd
Aufn Hund Agi sans alle ganz wüd
Holladarido, holladaro, holladarido, wos soagst denn da!

Und ans was i a des kennts ma schon glauben
So maunche Direktrin de wü in Sepp haubn
Holladarido, holladaro, holladarido, wos soagst denn da!

De Doris de fort gern zweimö de Rund
Beim Hofa vorbei wauns sei muas a Stund
Holladarido, holladaro, holladarido, wos soagst denn da!

Andrea kriegt´n Beamer doch geh tuat a net
Des is für Andrea immer a russisch Roulett
Holla….

In da Schü weann mas wissen oba endli geht
Oder hat da da Harry heimli Knöpferl verdreht
Holla…

Über mi derfts nix singa i spü ja Gita
Sunst her i glei auf und ihr singts alla…
Holla….

Hier klicken um mehr über die Autorin Isabella Freinhofer zu erfahren!

 
Template wurde mit www.template-builder.com erstellt - Copyright by Thomas Angerer